وش أخباركم وكيفكم مع الإجازة
مابغت تجي
ليتهم يمددونها >> حلم الشعب السعوودي 
آخر يوم بالدوام سويت جولة على الحلقات
ولقيتهم ما شاء الله يحتفلون بالإجازة
ومير أقلط معهم 
وطبعاً مانسيت أصور
حلقة أ/ أمل (ابتدائي عليا)
وكانوا مسوين الحفلة لأن مجموعه منهم ختموا جزء عم
وهم
نجد وهدى العبداللطيف 
عائشة آدم
رغد الهويمل
سارة حنيفة
شهد ياسين
وهذة مسويتها الأمورة سارة الشيخ
تسليمن ياسارونة على التوت طعمه مممممم
ونروح للحلقة النشيطة والرائعة
حلقة الأمهات القارئات
ورق عنب أم طارق 
وهذي قهوة أم عبد العزيز (جدة الحلوين) 
أرسلتها للإدارة
الله يسعدها ويجزاها كل خير
حتى الروضة بعد مسوين حفلة
وصورتهم معلمتهم
وإن شاء الله راح أنزلها قريباً
أترككم في حفظ الله ورعايته
وإتمنى لكم إجازة سعيدة وممتعة
7 التعليقات:
نزلتي الصور يامزنه ربي يسعدك
فديتهم امهاتنا الغاليات ماقصروا والله
الله يجزاهم الجنه من جد يشرفون ومتعاونات ومتفاعلات
بكل نشاط عساهم على القوه
عفوا نسيت اشكر باقي الحلقات ربي يسعدهم ويوفقهم انشطه جدا رائعه
بالتوفيق ان شاء الله
السلام عليكم
كيف حالكم مع الاجازة ؟
حبيت اوضح لكم نقطة بالنسبة لاسمي انا اسمي لطيفة التويجري وأم عبدالعزيز النحيط ولست ام عبدالعزيز التويجري
وأفضل تلقيبي ب جدة الحلوين الله لايحرمني منهم امين ..
ابغى افهم هذي الدار اسمها دار المؤمنات لتحفيظ القران الكريم
ولا دار المؤمنات للاكل والشرب وتعبية البطون
الواحد تسعد نفسة لما يسمع كم وحدة ختمت القران
مو كم وحدة ملت بطنها وعبتها
انتبهوا يا اخوات
جدة الحلوين
تم التعديل وعذراً على الخطأ
والله يخليلك عيالك وأحفادك ويرزقك برهم
أختي الكريمة
بالتأكيد دارنا الحبيبة هي لتحفيظ القرآن الكريم
ولكن ماالمانع من الإحتفال وإدخال السرور على الطالبات ؟؟؟!!!
وهل هناك محظور شرعي من الأكل والشرب!!!!!
وقبل أن توجهي نقدك الكريم
ارجعي الى الموضوع واقرأيه بتركيز أكثر
ستجدي أن حلقة أ/ أمل احتفلوا لأن مجموعه منهم ختموا جزء عم!!!!!!!
أليس هذا ما تريدين؟؟
غاليتي بدلاً من أن تتصيدي أخطاءنا
ابحثي لنا عن أفكار ابداعية
للحفلات حتى نحبب بناتنا في حفظ القرآن والإلتحاق بدور التحفيظ
ونحفظهم مما يخطط له أعداء الإسلام
فكوني لنا خير معين على ذلك......
رووووووووووووعة الله يحفظ طالباتي جدا جدا متعاونات وابارك لهن ختم جزء عم مع تمنياتي للجميع بختم القران كاملا
إرسال تعليق